Бүгінгі саяси науқан сайлаудан тыл ардагері Күлпаш Жақыпқызы да тыс қалмай балаларының көмегімен өз дауысын берді.
Қазыналы қария 1924 жылы бұрынғы Абыралы ауданында дүниеге келген. Қайнар орта мектебін аяқтаған соң, қаржы саласынның маманы болды. Осы салады 1942-1981 жыл аралығында Абай ауданында банк бөлімінің есепшісі, бас есепші және басқа да жауапты қызметтер атқарды. Ел алғысына бөлініп, мемлекеттік марапаттар «Ебек ерлігі», «Еңбек ардагері» және басқа да жоғары марапаттар алды. Өмір бойы жұмыстан бөлек қоғамдық жұмыстарға да белсенді қатысқан Күлпаш Жақыпқызы бұгінгі сайлаудан да қалыс қалмады.
-Елімізде сайлау болып жатыр дегенді естіп отырмын. Еліміз дамып, халықтың тұрмысы жақсара түсссе екен деймін. Президент айтып жатыр ғой жаңа даму болады деп. Соған бәріміз қолдау көрсетіп, көмектесуіміз керек. Елімізде береке бірлік болсын, соғыс болмасын. Балалар жастар аман болсын. Сайлауға бәрі қатысып,елдің дамуына өз үлестерін қоса берсін,- дейді Күлпаш Жақыпқызы.
