Дариға Назарбаеваның келіні, ұлы Нұрәли Алиевтің жұбайы Аида Әлиева жұмыссыз жандарға тренинг өткізетінін мәлімдеді. Бірақ оның бұл бейнеүндеуі желіде қызу талқыға түскен, деп хабарлайды Stan.kz ақпарат агенттігі.
Аида Әлиеваның бейнежазбасын белгілі журналист Денис Кривошеев Facebook-тегі парақшасында жариялады. Онда ол мемлекеттің байлығын аста-төк жымқырған отбасы мүшелерінің дымсыз қалған халыққа нан табуды үйретуі миға сыймайтынын жазған.
“Біз осы күнге дейін бұл отбасының қыздарының былығына шыдап бақтық. Енді келесі ұрпақтың кезегі келген бе? Назарбаевтың немересі Нұрәлидің жары Аида Әлиева жұмыссыз халыққа қайдан жұмыс табуға болатынын үйретпекші. Ермек үшін Қазақстанда жиөаз дүкенін ашты. Айдан айға жалақы үшін жұмыс істеп, нәпақа тауып жүрген халықтың ішкі сезімін сезіне алады деп айта алмаймын. Бір қызығы бұл Аида бала кезден оқытуды жақсы көрген екен. Бірақ жылдар бойы елдің байлығын ұрлап, халықтың жалақысын аузынан жырып жиған ақшаға шалқып өмір сүру бір бөлек. Бұл отбасы Қазақстаннан ұмытыла ма десем, керісінше әрқайсысы түрлі мәлімдемесімен тағы улауды бастапты. Оның тренингтерін әлеуметтік парақшасынан бақылай отырыңыздар. Әрі бүкіл жанұясындағы былықты пікірлер арасына жазып отырсаңыздар тіпті қарсы емеспін”, — деп жазады журналист.
Сондай-ақ, ол осы жазбасының астына Назарбаевтар келіні жариялаған бейнежазбаны да жүктеген.
«Менде бала кезден өз ойларыммен бөлісуге, ұйретуге деген үлкен қабілет бар. Instagram парақшамда сол мақсатта түскен халық сұранысын жиі байқаймын”, — дейді Нұрәли Әлиевтың жұбайы видеосында.
Дей тұрғанымен Аида Әлиеваның Іnstagram-дағы парақшасында бұл бейнеүндеу жоқ. Өшіріп тастаған.
