Semeytany.kz – «Барыс» хоккей клубының бас бапкері Михаил Кравец қазақ тілін үйренуге уақыт таппай жүргенін, команда ішінде орыс және ағылшын тілдері жеткілікті екенін айтты. Ол бұл пікірін Sports.kz сайтына берген сұхбатында білдірді.
Михаил Кравецтің сөзінше, клубта барлығы негізінен орысша сөйлейді, кейде ағылшын тілі де қолданылады. «Уақытым жетпейді. Онда маған қытай тілін де үйренуге тура келер еді. Сондықтан орыс және ағылшын тілдері жеткілікті деп ойлаймын, бәрі бәрін түсінеді», – дейді ол.
Айта кетейік, Кравец биыл тамыз айында «Барыстың» бұрынғы бас бапкері Ғалым Мәмбеталиев қызметінен кеткеннен кейін команда тізгінін ұстады. Ол бапкерлік мансабын 2001 жылы бастаған. Бұған дейін ҚХЛ-де «Витязь», «Амур», «Авангард», «Куньлунь» клубтарын жаттықтырған.
Қазіргі жағдай: «Барыс» соңғы өткен кездесуде «Ак Барсқа» 3:4 есебімен жол берді.
