Semeytany.kz — 14-21 қазан күндері Семейдегі Abai Arena спорт кешенінде ерлер мен әйелдер арасында бокстан Қазақстан чемпионаты өтеді. Додада еліміздің 20 өңірінен 371 спортшы (246 ер, 125 әйел) бақ сынайды.
Жарыстың жеребесі 14 қазанда тартылады, ал 15 қазанда салтанатты ашылу рәсімі өтеді. Финалдық кездесу 21 қазанға жоспарланған. Турнир қорытындысы бойынша 2026 жылға арналған ұлттық құрама жасақталады.
Салмақ дәрежелері:
Ерлер — 50 кг дейін, 55 кг, 60 кг, 65 кг, 70 кг, 75 кг, 80 кг, 85 кг, 90 кг және 90 кг-нан жоғары.
Әйелдер — 48 кг дейін, 51 кг, 54 кг, 57 кг, 60 кг, 65 кг, 70 кг, 75 кг, 80 кг және 80 кг-нан жоғары.
Айта кетейік, бұл чемпионатта Әлем чемпионатының жеңімпаздары мен жүлдегерлері қатыспайды. Қазіргі сәтте ұйымдастырушылар жарыс кестесін нақтылап, командалар жеребеге дайындық жүргізіп жатыр.
