Абай гарнизонында 2025 оқу жылына арналған дайындық жоспарына сәйкес әскерлерді қорытынды тексеру жүргізілуде. Бұл қорытынды тексерудің шеңберінде әскер түрлері мен тектерінің құрамалары мен әскери бөлімдері тексеруге жатады. Аталған шаралардың бірін Қазақстан Қарулы күштері Бас штабының комиссиясына «Шығыс» өңірлік қолбасшылығына қарасты 54770 әскери бөлімінің жеке құрамы тапсыруда. Жеке құрам жауынгерлік және кәсіби даярлықтың барлық пәндері бойынша тексерілуде. Бірінші кезекте, әскери қызметшілердің негізгі оқу пәндері бойынша жеке даярлығы бағаланды. 54770 әскери бөлімінің әскери қызметшілері атыс қаруынан оқ ату даярлығы бойынша өздерінің шеберліктерін көрсетті, жауынгерлік әзірліктің жоғары дәрежесіне келтіру кезінде тактикалық іс-қимылдарды пысықтады, сондай-ақ офицерлер мен сержанттар құрамының әдістемелік даярлығы бағаланды.
— Қорытынды тексеру кезінде жеке құрам үйлесімді және ұйымдаса әрекет етті, тамаша дене, тактикалық және кәсіби даярлығын көрсетті, — деп атап өтті Бас штаб комиссиясының төрағасы генерал-майор Анатолий Довганюк.
Тексерудiң басты мақсаты — әскери қызметшiлер мен басқару бөлiмшелерiнiң белсендi iс-қимылдарға және жоғары тұрған басшылықтың жауынгерлiк мiндеттерiн табысты орындауға дайындығы мен қабiлетiн анықтау.
Қорытынды тексеру нәтижелері бойынша 54770 әскери бөлімінің жеке құрамы оң нәтижелер көрсетті. Айта кету керек, Қазақстан Республикасының Қарулы Күштерінде ағымдағы жылдың 6 қазанынан бастап 2025 жылғы әскерлерді қорытынды тексеру жүргізіледі.
Абай өңірлік гарнизонының баспасөз қызметі
