Semeytany.kz — Семей қаласының әкімі Әділет Қожанбаев «Қазақстан Барысы» турнирінің күміс белбеу иегері Ерасыл Қажыбаевты қабылдап, жеңісімен құттықтады.
Кездесуде Әділет Қожанбаев жерлес спортшының табандылығын атап өтіп, қала атынан алғыс білдірді. Әкімдік тарапынан бұқаралық және ұлттық спортты дамытуға қолдау жалғасатыны айтылды.
Ерасыл Қажыбаев 2024 жылы «Қазақстан Барысы» атағын жеңіп алып, биылғы додада күміс белбеуді иеленді. Ол облыс намысын абыроймен қорғап жүрген палуан ретінде көпшіліктің сеніміне ие.
Кездесу барысында Ерасыл Қажыбаев алдағы жарыстарға дайындық жоспары туралы айтып, нәтижелі өнер көрсетуге күш салатынын жеткізді.
