Құрметті жерлестер! Сіздерді өткен сайлауда «ӘDILET» партиясының сенімді жеңісімен құттықтаймын!
Бұл жеңіс – сіздердің бізге деген сенімдеріңіз! Бұл – алдағы жұмысымызды жалғастыруға және партияның сайлауалды бағдарламасын жүзеге асыруға берілген қуатты серпін. Бүгінде партиямыздың негізгі басымдықтарының бірі – Мемлекет басшысының «Таза Қазақстан» бастамасына ерекше тоқталғым келеді. Қасым-Жомарт Кемелұлы бұл маңызды жобаны іске асыруды жалғастыруымыз қажет екенін атап өтті. «Сондықтан, 23 тамызда дауыс беруден кейінгі брифингте Мемлекет басшысы атап өткендей, қол қусырып отыруға болмайды».
Президенттің бастамасын қолдай отырып, облыс әкімі Берік Уәли әрбір қазақстандық үшін маңызды осы жобаны іске асыруға ерекше көңіл бөліп отыр. Демек, біз де өз жұмысымызды бірлесе отырып жандандыруымыз қажет.
Қазіргі жағдайда тазалық идеологиясы тек экологиялық акциялар мен аумақтарды абаттандырумен шектелмейді. «ӘDILET» партиясы «Таза Қазақстан» жобасын Әділетті Қазақстанды құрудың идеялық негіздерінің бірі, жасампаздық нормалар мен дүниетанымдық қағидаттарды орнықтырудың маңызды факторы ретінде қарастырады. Бұл – қоғамның ішкі мәдениетінің көрсеткіші, кең ауқымды моральдық жаңғырудың бір бөлігі.
Сондықтан, қымбатты жерлестер, әрқайсыңызды шет қалмай, өзгерісті өзімізден бастауға шақырамыз: өз ауламыздың тазалығын сақтау, ағаш отырғызу, аумақтарды тазалау, табиғат пен қоғамдық мүлікке ұқыпты қарау; ойымыз бен ісіміздің тазалығын сақтау.
Біздің тарихымыз дәлелдегендей, адамдар ортақ мақсат жолында бірігетін болса, аз ғана күш-жігердің өзі үлкен іске айналады. Бірге елімізді көркейтіп, жайлы әрі таза мекенге айналдыра аламыз. «Таза Қазақстан» – бұл баршамызға ортақ іс!
«Әділет» партиясы Абай облыстық филиалының төрағасы Айдар Ибраев
«Әділет» партиясы Абай облыстық филиалының баспасөз қызметі бөлімі
