Италиялық тілшілер Пьерпаоло Миттика мен Алессандро Тессей көп жылдар бойы ядролық полигонды зерттеумен айналысады. Жұмыс істеген жылдары зерттеушілер Фукусима мен Чернобыль қалаларында болған. Табиғатқа және жергілікті халыққа ұзақ жылдар бойы орны толмас зиян келтірген Семей ядролық полигоны да назардан тыс қалған жоқ. Италиялық қонақтардың Семей жеріне келгендегі мақсаты — ядролық сынақтар өткізілген уақыттағы және бүгінгі күнгі полигон аймағындағы жағдай туралы деректі фильм түсіру.
– Біз Қазақстанға саяхаттаушы ретінде емес, жұмыс істеу үшін келдік. Бүгін біз бірден Бала үйіне бардық. Дамуында ауытқулары бар балаларды көру өте қиын. Полигонда жүргізілген сынақтар сіздердің елдеріңізге, өңір тұрғындарына ауыр зардаптар әкелді. Бізге мұның бәрін көру және ядролық сынақтың зардабын тартып отырған адамдармен жұмыс істеу өте қиын,- дейді фотограф-журналист Пьерпаоло Миттика. Бүгінгі таңда италиялықтар үшін тым алыс болып көрінетін мәселе ертең «жақын» болуы әбден мүмкін. Осы ойды журналистер Италия көрермендеріне жеткізгісі келеді.
Семей қаласының ақпараттық орталығы{jcomments off}
