ШҚО әкімі Даниал Ахметовтің төрағалығымен өткен отырыста мемлекеттік-жекеменшік әріптестік және халықаралық қаржы институттарын тарту арқылы жүзеге асырылатын жобалардың іс жүзіне асырылуы мәселелері қаралды.
ШҚО өңірлік мемлекеттік-жекеменшік әріптестік орталығы басқармасының төрағасы Шәкәрім Буктугутовтың хабарлауынша, бүгінгі күні облыста 185 млрд. тенгенің 222 мемлекеттік-жекеменшік әріптестік жобасы бар. Олардың ішінде 180 жоба бойынша 33,3 млрд. теңгеге экономиканың әр саласында келісімшарт жасалған. Оларға қазіргі уақытта қаржы бөлініп, жүзеге асырылуда.
2019 жылдың соңына дейін тағы да 7 жоба бойынша келісімшартқа отыру күтілуде, олар: Өскемен қаласында 330 төсекке арналған көпсалалы аурухананың құрылысы және жөндеу жұмыстарына жекеменшік әріптестердің инвестициясын тарту үшін 3 аурухананы сенімгерлік басқаруға беру, электрондық билет жүйесін жасау, КШТ ауданында балалар бақшасының құрылысын жүргізу, сонымен қатар Глубокое кентінде жылу көзінің құрылысын салу.
Аталған жобалармен қатар, білім беру, денсаулық сақтау, көлік, ТҮКШ және энергетика салаларын, сондай-ақ әлеуметтік саланы қамтитын дайындығы әртүрлі сатыдағы қосымша 36 жоба бар. Жалпы алғанда, облыс бойынша 2019 жылдың соңына қарай мемлекеттік-жекеменшік әріптестік бойынша жасалған келісімшарттар және концессиялық жобалар бойынша көрсеткішті жалпы сомасы 63 млрд. теңгеден асатын 187 жобаға дейін жеткізу күтілуде.
Айта кетсек, бүгінгі күні ШҚО мемлекеттік-жекеменшік әріптестік аясында жасалған келісімшарт саны бойынша республика көлемінде көш бастап келеді, бұл Қазақстан бойынша алғанда барлық жасалған келісімшарттардың 30 пайызын құрайды.
Бұдан бөлек, бүгінгі күні облыста Еуропа Қайта құру және Даму Банкімен 12 жоба бойынша жалпы құны 69 млн теңгені құрайтын қаржы құжаттары жасалған. 4 жоба бойынша алдын ала Келісімге, ал несиелік келісімшарттарға 8 жоба бойынша қол қойылған.
2019 жылдың 4-ші тоқсанында Еуропа Қайта құру және Даму Банкімен қатты тұрмыстық қалдықтардың жаңа санитарлық полигоны мен Өскемен және Семей қалаларында қалдықтарды өңдейтін заманауи кешен құрылыстарына жалпы құны 24 млрд теңгеге жуық қаражат бөлуге кезекті несиелік келісімшарт жасасу жоспарланып отыр.
Осылайша, мемлекеттік-жекеменшік әріптестік жобалары бойынша және халықаралық қаржы институттарымен бірлесе жүзеге асырылып жатқан жобалар бойынша облыстың жалпы инвестициялық портфелі 2019 жылдың соңына қарай 124 млрд. теңге шамасында болмақ.
Қадағалаушы мемлекеттік органдар өкілдерінің баяндамаларын тыңдаған Даниал Ахметов ШҚО мемлекеттік-жекеменшік әріптестік орталығы жұмысына оң баға берді және қаржы институттарымен бірлескен жұмысты жалғастыра беруді тапсырды.
ШҚО ақпарат орталығы{jcomments off}
