Семей қаласының әуежайына Абай есімін беру туралы және Семей қаласының білім беру мекемелеріне танымал тұлғалардың аттарын беру туралы қалалықтардың ұсынысы облыстық ономастикалық комиссияда мақұлданып, Шығыс Қазақстан облыстық мәслихатының депутаттары тарапынан қолдау тапты. Құжаттар республикалық ономастика комиссиясына жіберілді.
Енді Семей қаласының халықаралық әуежайы Ұлы Абайдың есімімен аталатын болады. № 49 мектепке де Абайдың аты берілмек. Келесі жылы еліміз Абайдың 175 жылдығын тойлайды. Айтулы мерейтойға орай облыс көлемінде 500-ден астам шара өтеді. Сондай-ақ оқу орындарына көрнекті тұлғалардың есімдері берілетін болады. № 2 орта мектепке -Қаныш Сәтпаев, №3 мектепке – кешен – Мұхтар Әуезов, №34 мектепке аты аңызға айналған батыр Бауыржан Момышұлы, №37 мектеп-гимназияға – Ыбырай Алтынсарин, №39 мектепке – Әлихан Бөкейхан, №47 мектепке — Ахмет Байтұрсын, Пригород орта мектебіне Жүсіпбек Аймауытов есімдері берілмек.
Бұл еліміздің тәуел-сіздігі үшін күрескен, мемлекетіміздің дамуына айрықша үлес қосқан әйгілі тұлғаларға деген құрметіміздің белгісі болып табылады. Өскелең ұрпақ тарихта ойып алар орны бар тұлғаларды танып, еңбектерін біліп, есімдерін мәңгі есте сақтауға тиіс.
Семей қаласының ақпараттық орталығы{jcomments off}
