Семейдің кілті — Абай, есігі – Алаш!

Бейсенбінің таңы атысымен терезедегі қыраудай өрнектеліп, зерделеніп жазылған бүгінгі мақаланың шоқтығы биік. Олай дейтін себебім — бұл мақала хакім Абайдың қазақ қоғамында, әлем назарында алатын орнын айқындап берген тәрізді. Мемлекет басшысының «Ұлы Абай мен Шәкәрімнің, Мұхтар Әуезовтің кіндік қаны тамған өңір айрықша құрметке лайық» деген сөзіне басты назар аудардым.

Осы уақытқа дейін Семей өңірі қаншама қиындықты бастан кешіп, ауыртпалығына шыдап келді. Енді бәрі артта қалды десе де болады. Соңғы уақытта шаһарымызға көңіл бөлініп, жолдары төселіп, шамдары жарқырап, түрлі нысандар салынып, зәулім үйлер бой көтеріп жатқаны бізді қуантады. Семей қаласына берілетін айрықша мәртебені біз зор құрметпен қабылдаймыз және асыға күтеміз.

Біз сүйікті қаламыз Семейдің ғаламшарды шарлап, әлемнің астанасы атанғанын қалаймыз. Абай біздің әлемдік аренадағы алтыннан қымбат баға жетпес байлығымыз, кеудедегі бойтұмарымыз!

Думан КЕНЖЕҒАЗИН, Семей қаласының Жастар ресурстық орталығының әдіскері{jcomments off}