Семей гарнизонының әскери қызметшілері Ұлы Отан соғысында қаза тапқан жауынгерлер жерленген бауырластар зиратының қоршауын жаңартып, тазалап, көртейту жұмыстарын жүргізуде.
Соғыс жылдары қала аумағында бес эвакуациялық аурухана жұмыс істеген. Ауруханада түрлі жаралар мен аурулардан қайтыс болған сарбаздар қаладағы бауырластар зираты аумағында жерленген.
Осындай қорымдардың бірі силикат зауыты ауданында орналасқан. Қалалық ардагерлер кеңесі көтергенге дейін, бұл қорым мүлде қараусыз қалған болатын.
Алдымен барлық жерленгендердің аты-жөндері қалпына келтіріліп, ескерткіш орнатылды. Ардагерлер кеңесінің «Шығыс» өңірлік қолбасшылығына жолдаған өтінішінен кейін Семей гарнизоны әскери бөлімдерінің әскери қызметшілері қабір аумағындағы тәртіп пен тазалықтың сақталуын үнемі қадағалап отырады.
«Қазақстанда мамыр айының қарсаңында бауырластар зиратына барып, Ұлы Отан соғысы жауынгерлерінің рухына тағзым ету жақсы дәстүріне айналды. «Шығыс» өңірлік қолбасшылығының әскери қызметшілері бұл абыройлы және құрметті миссияны өз мойнына алды, — деді «Шығыс» аймақтық қолбасшылығының қолбасшысы Асан Жүсіпов.
Сарбаздар сонымен қатар гарнизон офицерлері үйінің жанындағы ашық аспан астындағы әскери техника мұражайын да абаттандыруда.
