Қала көшелерінде грейдерлеу жұмыстары жалғасуда. Сәрсенбі, 17 қараша күні Бақытжан Байахметов «QazaqAstyqGroup» зауыты ауданындағы Южная көшесінде жүргізіліп жатқан жұмыстардың барысын тексерді.
Бұл — қаланың шеткі аудандарының бірі. Грейдерлеу жұмыстары көшенің шамамен 1 шақырымын қамтыды.
— Ені 6 метр болатын жол төсеміне 630 тонна қиыршық тас пен 420 тонна құм және тас төселді. Жалпы, жұмыс барысында 10-нан астам техника жұмылдырылды. Мердігер ұйым жұмысты шамамен бес күнде аяқтады,- деді қала әкімі Б.Байахметов.
Жергілікті тұрғындардың айтуынша, бұл көшеде жаңбырдан және көктемде қар ерігеннен кейін жүру мүмкін емес еді. Жердің барлығы балшыққа айналатын. Тұрғындар атқарылған жұмыстарға риза. Ал жолды асфальттау келесі жылға жоспарланып отыр.
«СТ» — ақпарат
