Қазақстан Республикасының Президенті Қасым-Жомарт Кемелұлы Тоқаев 11 қаңтарда өткен Парламент Мәжілісінің пленарлық отырысына қатысып, Парламент Мәжілісіндегі саяси партиялар фракциялары жетекшілерінің алдында сөз сөйледі. Бесқарағай ауданы әкімдігінің халықты жұмыспен қамту орталығының ұжымы Президент сөзін мұқият тыңдады. Мемлекет басшысы жаңа Үкіметке саяси, әлеуметтік-экономикалық салалар және ұлттық қауіпсіздік пен қорғанысты қамтамасыз ету жөніндегі өзекті мәселелерді шешу үшін нақты міндеттер жүктеді. Халықтың тұрмыс-тіршілігін жақсартуға арналған жаңа бағдарлама дайындау, әлеуметтік салаға барынша назар аудару, жастарға арналған жаңа жұмыс орындарын құру, техникалық мамандықтарды даярлауды жүзеге асыру, жаңа бизнес идеяларды іске асыру үшін қайтарымсыз мемлекеттік грант мөлшерін арттыру керек екенін атап айтып, жауапты тұлғаларға тапсырмалар берді. «Халықтың бірлігі, Қазақстанның тәуелсіздігі мен егеменді даму идеясына деген шынайы сенімі – еліміздің дамуы мен қоғам болып ұйысуының мықты іргетасы. Біз барлық қиындықты бірлесе еңсереміз. Жаңа Қазақстанды бірге құрамыз»,- деген Президенттің әр сөзін толығымен құптаймыз. Еліміздің өркендеуіне, халқымыздың әлеуметтік жағдайын жақсартуға бағытталған барлық бастамаларды қолдай отырып, ұжым болып қажымай-талмай еңбек ете береміз деп сенімді түрде айта аламын.
А.ҚҰРМАНҒАЛИЕВА,
Бесқарағай аудандық Жұмыспен қамту орталығының директоры
