Қоғамдық тәртіпті қамтамасыз ету кезінде сыбайлас жемқорлық тәуекелдерін анықтау және жою мақсатында мәслихат депутаты, «Семей – Адалдық алаңы» жобалық кеңсесінің басшысы Дариға Даирова Затон бөлімі полиция қызметкерлерінің бейнежетондарды пайдалануына мониторинг жүргізді.
Құқық бұзушылық фактілерін тіркеуге арналған техникалық құралдарды пайдаланудың бекітілген нұсқаулығына сәйкес бейнетіркеуге арналған аспаптар қызметтік міндеттерін орындау басталған сәттен бастап қосылады және жұмыс ауысымы аяқталғанға дейін үздіксіз жүргізіледі. Тынығу, тамақтану жағдайында полиция қызметкерлерінің кезекшінің немесе тікелей басшысының рұқсаты бойынша аудио-бейнежазбаны жүргізуді тоқтата тұру мүмкіндігі бар, бірақ көбінесе аудио және бейнежазбаны тіркеу тоқтатылмайды. Аудио-бейнежазбаны жүргізу процесінде полиция қызметкерінің де, құқық бұзушының да барлық іс-әрекеттері тіркеледі.
Полиция қызметкерлерінің бейнетіркегіштен бар жазбаларды өз еркімен жоюға, сондай-ақ қызметтік іс-әрекет процесінде бейнетіркегішті өшіруге мүмкіндігі жоқ.
Жұмыс ауысымының соңына қарай бейнежетондар кезекшіге тапсырылады және деректер деректерді сақтау серверіне түсіріледі.
Деректерді сақтау серверіне түсіру видеожетон аккумуляторын зарядтау кезінде автоматты режимде жүргізіледі. Қылмыстар бойынша жазбаларды сақтау мерзімі – 5 жыл, әкімшілік құқық бұзушылықтар және тексеру іс – шаралары бойынша – 3 жыл, қылмыс және құқық бұзушылық белгілері жоқ өзге де жағдайлар бойынша – 2 ай.
Серверлік бөлмеде орнатылған деректерді сақтау серверіндегі ақпаратқа рұқсат тек жауапты адамға ғана беріледі, бұл ретте сақтау серверіндегі деректерге өзгерістер енгізуге жол берілмейді және оны соттың не қылмыстық істің ішкі істер органдарының қызметкерлері сұрау салуы бойынша немесе қызметтік тергеп-тексеру жүргізу кезінде ғана береді. Видеожетонның заряды 12 сағатқа жететіні анықталды, сонымен қатар Power bank қамтамасыз етеді.
Мониторинг нәтижесінде қызметтік міндеттерін жүзеге асыру кезінде полиция органдарындағы сыбайлас жемқорлықты жою үшін түбегейлі шаралар қабылданатыны анықталды.
«СТ» – ақпарат
