ҚР Парламент Мәжілісі депутаты Ерлан Саиров өткен аптада жұмыс сапарымен Шығыс Қазақстанға келді. Облыс басшысы Даниал Ахметовпен кездесіп, аймақтың әлеуметтік-экономикалық даму үрдістерін талқылады. Бұл туралы халық қалаулысы әлеуметтік желідегі жеке парақшасында жазды.
«Бүгін белді мемлекет қайраткері, Шығыс Қазақстан облысы әкімі Даниал Кенжетайұлы Ахметовпен кездестім. Кездесу барысында ШҚО әлеуметтік-экономикалық даму үрдістерін, аймақтық дамудағы диспропорцияларды жою мәселесін қарастырдық.
ШҚО экономикалық даму бойынша оң көрсеткіштер көрсетуде, әлеуметтік дамудың динамикасы жоғары. Шекаралық аудандарды дамытуға, инфрақұрылым объектілерін салуға да қомақты қаржы бөлінуде. Әрине, экологиялық, басқа да проблемалар бар. Оларды шешудің де тетіктері анықталуда.
Даниал Кенжетайұлы Өскемен қаласының даму перспективасы жөнінде де өз ойымен бөлісті. Д. Ахметов мырза Мәжілісте аймақтың дамуы мәселесіне көңіл аудару тетіктеріне тоқталды»,- деп жазды Ерлан Бияхметұлы.
Мәжіліс депутаты Ерлан Саиров аймақ басшысы Даниал Ахметовпен бірге облыстың тұрақты даму мәселелеріне ат салысатынын жеткізді.
«СТ» — ақпарат