Халық қалаулылары ел ішінде
Халық қалаулылары ел арасында болып, қала мен ауылды дамытудың алдағы жоспарлары туралы ақпараттандыруға міндетті. Осыған орай қалалық мәслихат депутаттары ақпан айының ортасынан бастап қалаға қарасты ауылдарды аралап, тұрғындармен кездесулер өткізді.Жақында Семей қаласының әкімі Бақытжан Байахметов қалалық және облыстық мәслихат депутаттарымен жиын өткізді. Басқосуда Семей қаласы мен ауылдық округтердің 2021 жылғы әлеуметтік-экономикалық дамуының қорытындылары жасалып, 2022 жылға арналған міндеттер талқыланды.
Облыстық мәслихат депутаты Мұхит Тұмабаев, қалалық мәслихат депутаттары Камилия Исмаилова, Гүлжанат Рахатқызы Приречный ауылдық округінің тұрғындарымен кездесіп, Приречный кенті, Жарқын, Мұздыбай және Гранитное ауылдарын аралады.
Қалалық мәслихат хатшысы Бейсенбек Ақжалов, қалалық мәслихат депутаттары Съезбек Ахметов, Нұржан Бахаев, сондай-ақ облыстық мәслихат депутаты Азат Сарпеков Қайнар, Доғалан, Абыралы, Ақбұлақ, Айнабұлақ ауылдарының тұрғындарымен, Семей қалалық мәслихатының депутаттары Марат Макишев, Наталья Перцева және ШҚО мәслихатының депутаты Альбина Ахметова Шүлбі кентінің тұрғындарымен кездесіп, өтініш-тілектерін тыңдап қайтты.
Озерский ауылдық округі халқымен ШҚО депутаты Жұмабек Ибраев, қалалық мәслихат депутаттары Дариға Даирова мен Игорь Карпенко, ал Ертіс ауылдық округінің елді мекендеріндегі тұрғындармен облыстық мәслихат депутаты Шолпан Чегедекова мен қалалық мәслихат депутаты Найля Әлменева кездесті.
Бекітілген кестеге сәйкес, ШҚО депутаты Серік Байғалиев, қалалық мәслихат депутаттары Әміржан Ахмеджанов, Мұхаметқали Қасқабаев және Анатолий Калинкин Жиеналы ауылдық округінде және Шаған кентінде болып қайтты.
Кездесулер барысында халық қалаулылары тұрғындарды Семей қаласы мен ауылдық округтердің әлеуметтік-экономикалық даму бағдарламасымен таныстырды. Депутаттар ауылдардағы өзекті мәселелерді де тыңдап, назарларына алды. Тезірек шешуді талап ететін неғұрлым маңызды мәселелер ауылдық округтерді дамыту жөніндегі іс-шаралар жоспарына енгізіліп, бюджетті нақтылау кезінде қаралатын болады, одан кейін қала мен облыс басшылығына жеткізіледі.
«СТ» — ақпарат
