САЯСИ КЕҢЕСТІҢ ОТЫРЫСЫ ӨТТІ
Өткен аптаның соңында Шығыс Қазақстан облысының әкімі Даниал Ахметовтің төрағалығымен AMANAT партиясының Шығыс Қазақстан облыстық филиалының Саяси кеңесінің отырысы өтті.
Күн тәртібінде партияның кезектен тыс XXIII съезіне делегаттарды сайлау басты мәселе болды. Барлық сайланған делегаттар ағымдағы жылдың 26 сәуірінде онлайн форматта өтетін партияның кезектен тыс XXIII съезіне қатысады, онда алдағы партиялық жұмыстың басымдықтары, сондай-ақ «Адал» партиясының AMANAT партиясына қосылуы кең көлемде талқыланады.
Делегаттар құрамына Саяси кеңес мүшелері, партия белсенділері кірді. Шығыс Қазақстан облысынан барлығы 32 адам қатысатын болды.
Сонымен қатар аталмыш жиын барысында партияның сайлауалды бағдарламасының Жол картасы да талқыланды.
Осы орайда Даниал Ахметов:
— Ол қалалар мен аудандарды дамыту бағдарламаларын қайталамауға тиіс, біз күш-жігерімізді нақты істер мен жобаларға жұмылдыруымыз керек. 180 партия мүшесі өңірдің барлық елді мекендерін аралап, халықпен кездесіп, проблемалар туралы білді. 682 сұрақ келіп түсті, олардың бір бөлігі біздің партия филиалының Жол картасының негізіне жататыны сөзсіз. Мамыр айында осы үлкен ақпарат қабаты талданады және зерттеледі.
Қалалар мен аудандарда 104 Қоғамдық кеңес құрылды, сондай-ақ Шығыс Қазақстанның ірі кәсіпорындарында Amanat ШҚОФ қоғамдық қабылдау орындары ашылды, олар да азаматтарды қабылдайды және маңызды мәселелер мен проблемаларды шешуге көмектеседі, — деп атап өтті.
Динара НҰРЛЫБЕКҚЫЗЫ,
«Семей таңы»
БІЗДІ ӘЛЕУМЕТТІК ЖЕЛІЛЕРДЕН ОҚЫҢЫЗ!
