Бүгін волейболдан әйелдер командалары арасында клубтық Азия чемпионатының 4-ші күнінде Өскемендік «Алтай» тобы Ирандық «Бариж Эссенс» тобын 3-0 есебімен жеңді, – деп хабарлайды Семей таңы ақпараттық порталы.
Сәуірдің 28 күні 14:00 де Өскемендік топ «Алтай» кезекті ойынын Ирандық топ «Бариж Эссенспен» өткізді. Есеп 3-0 есебімен «Алтай» тобына жазылды. Турнирлік кестеде алдыңғы орынды бермей тұрған Алтай тобы тағыда қоржынына 3 ұпай қосып барлығы 12 ұпаймен дара тұр.
«Бүгінгі матч өзімнің ойлағанымдай болды, біз жеңдік. Әрине қарсылас команда да керемет ойнады, ерекше дайындықпен келген екен, бірақ біз оларды ұттық. «Бариж Эссенсемен» тартысты матч өтті. Ойынның соңғы раунда олар басымдықта болды, ұзақ уақыт басымдылық танытты.» – деді команда капитаны Сана Анаркулова
Айта кетейік Бүгін сағат 11:00 де «Диамонд Фуд -Файн чеф» 3-0 есебімен «Қырғыстанды» жеңсе, Сағат 17:00 де Петропавлдық «Қуаныш» командасы Тайландтық «ДГПИ» мен ойнайды.
