Қазақстанда бір қызметкерге еңбекақының орташа айлық мөлшері жаңарды. Бұл туралы стратегиялық жоспарлау және реформалар агенттігінің Ұлттық статистика бюросынан мәлім етті, деп хабарлайды Семей таңы ақпараттық порталы ҚазАқпаратқа сілтеме беріп.
«2022 жылдың І тоқсанында бір қызметкердің орташа айлық атаулы жалақысы 285 433 теңгені құрады. 2021 жылдың тиісті тоқсанына қарағанда өсім 23,7 пайызды, нақты мәнде — 12,7 пайызды құрады», — делінген хабарламада.
Өңірлік бөліністе ең жоғары орташа айлық атаулы жалақы Атырау облысында белгіленді-477,9 мың теңге. Солтүстік Қазақстан облысында оның көлемі 203,4 мың теңгені құрады, бұл ел бойынша орташа деңгейден 28,7 пайызға төмен.
«Бюро пайдаланатын орташа айлық жалақыны есептеу әдістемесі Халықаралық еңбек ұйымының стандарттары мен әдіснамасына сәйкес келеді. Орташа айлық жалақы туралы деректер кәсіпорындардың тоқсан сайынғы статистикалық есептілігі негізінде есептеледі. Бір жұмыскердің орташа айлық атаулы жалақысы қосымша ақылар, үстемеақылар, сыйлықақылар, сондай — ақ салықтар мен басқа да ұстап қалуларды ескере отырып қалыптастырылады», — деп түсіндірді Еңбек және тұрмыс деңгейі статистикасы департаментінің директоры Наталья Белоносова.
БІЗДІ ӘЛЕУМЕТТІК ЖЕЛІЛЕРДЕН ОҚЫҢЫЗ!
