Биыл Жеңіс күніне орай 5 млрд 400 млн теңгенің біржолғы әлеуметтік көмегі беріледі. Бұл туралы ҚР Еңбек және халықты әлеуметтік қорғау вице-министрі Руслан Сәкеев айтты, деп хабарлайды Bugin.kz порталы.
«Ардагерлерге бір жолғы материалдық көмек көрсету дәстүрге айналды. Осыған сәйкес, Жеңіс күніне орай жергілікті атқарушы органдар тарапынан сомасы 5 млрд 400 млн теңге біржолғы көмек көрсету қаражаты қарастырылған», — деді вице-министр.
Бұл қаражат мына адамдарға біржолғы көмек ретінде берілмек:
— Екінші дүниежүзілік соғыстың қатысушылары мен мүгедектері – 381 адам;
— Қоршаудағы Ленинград тұрғындары – 92 адам;
— бұрынғы концлагерьлердің кәмелетке толмаған тұтқындары – 212 адам;
— Екінші дүниежүзілік соғыстың қайтыс болған мүгедектерінің әйелдері (күйеулері) – 3 221 адам;
— Екінші дүниежүзілік соғыс кезінде қаза тапқандардың жесірлері – 6 адам;
— тыл еңбеккерлері — 74 116 адам;
— Екінші дүниежүзілік соғысытың қатысушылары мен мүгедектеріне теңестірілген басқа тұлғалар – 20 111 адам.
