Ағымдағы жылдың 4 айы ішінде облыста балалар мен жасөспірімдер арасында туберкулезге шалдыққан алты жағдай тіркелді. Оның ішінде үш жағдай профилактикалық тексерулер кезінде анықталған.
Балалық шақ – адам өмірінің аса маңызды кезеңі. Осы кезеңде болашақтың, саулық пен салауаттың негізі қаланады. Елімізде 18 жасқа дейінгі балалардың денсаулығына аса маңызды көңіл бөлінеді, қажетті скринингтік зерттеулер мен профилактикалық іс-шаралар — медициналық көмектің бұлтартпас
бөлшегі. Осы ретте облыстың бас штаттан тыс фтизиопедиатры Светлана Моисеенко туберкулез ауруына қарсы екпенің маңыздылығын тағы бір рет еске салуды жөн санайды.
— БЦЖ екпесі балалар үшін міндетті вакциналардың бірі болып табылады, оны алғаш рет сәби жасында — перзентханада, дүниеге келген соң 3-4-ші күні жасайды. Ол туралы көптеген мифтер, әр түрлі қорқынышты зардаптар менасқынулар туралы әңгімелер тараған. Оларды тыңдаған көптеген ата-аналар өздеріне жауапкершілік алады және осы вакцинациядан бас тартады. Атаананың бірінші міндеті — дәрігерлерден БЦЖ туралы егжей-тегжейлі сұрап білу, өйткені бұның арғы жағында, ең бастысы, бала денсаулығы тұр, — дейді бас фтизипедиатр.
Маманның айтуынша, БЦЖ деген шет тілінен аударғанда BCG — Bacillus Calmette бациласы дегенді білдіреді.Бұл — туберкулезге қарсы вакцина, ол тірі, бірақ әлсіретілген сиырдың туберкулезді таяқшасынан жасалады. Оның негізгі мақсаты — туберкулез
таяқшасына қарсы бала ағзасының қарсылығын жоғарылату.
— Қазіргі уақытта осы екпенің көмегімен әр түрлі 28 аурудың алдын алып отыр. Көптеген балалар екпенің арқасында аурудан қорғалып отыр. Олардың ішінде аурудың аса ауыр түрлері — туберкулезді менингит, буын мен сүйектердің зақымдануы мен өкпенің зақымдануының қауіпті түрлерінің дамуын алдын алады.
Сонымен қатар бұлвакцина балалар арасындағы аурушандылықтың төмендеуіне ықпал етіп отыр. Әрбірбала екпе алып, мықты денсаулықпен өмір сүруге құқылы. Сондықтан дұрыс таңдау жасаңыздар! — деп атап өтті Светлана Моисеенко.
ШҚО ақпарат орталығы
