Абай облыстық мәслихатының кезектен тыс алтыншы сессиясы өтті. Сессия отырысына облыс әкімінің бірінші орынбасары Айдын Кәрімов, облыстық мәслихат хатшысы Қуаныш Сүлейменов және депутаттар қатысты.
Күн тәртібіндегі басты мәселе – облыс бюджетіне өзгеріс енгізу.
Бүгінгі жиында бастапқы кезеңде 258 миллион теңгеге бюджет бекітілді. Айта кетейік, бұл облыс бюджетінің барлық сомасы емес. Бұдан әрі бюджеттік рәсімге сәйкес, облыстық бюджетте атқарушы органдарға жүктелген міндеттерді іске асыру үшін Үкімет резервінен бөлінген 444 миллион теңге қаражат бекітілетін болады. Соңғы бюджет барлық трансферттер мен субвенцияларды Абай облысына беруді ескере отырып, ШҚО бюджеті нақтыланғаннан кейін толық көлемде қалыптастырылатын болады. Нәтижесінде бюджеттің жалпы көлемі 248,5 млрд теңгені құрайды.
Бұл туралы экономика және бюджеттік жоспарлау басқармасының басшысы Роза Құдайбергенқызы хабарлады.
Сонымен қатар сессия отырысында уақытша жер пайдалануды жоспарлау, тағы да бірқатар депутаттық сауалдар қаралды.
Депутат Асемхан Досқожанов Қарағайлы ықшам ауданындағы атаусыз көшеге Тінібай Қаукенұлының атын беруді ұсынды.
Осы жерде айта кетейік, Тiнiбай Кәукенов, ХIХ ғасырдың бiрiншi жартысында Қазақстанда товар-ақша қатынасы дамып, қанат жая бастаған кезеңде Семей өңiрiнде, қазақ арасында алғаш саудамен айналысып, 2-шi гильдi көпес атағын алған iрi саудагер, бай, Семей өңiрiнен Меккеге барып қайтқан алғашқы қажылардың бiрi.
Сондай-ақ қаладағы Глинки көшесіне Аға сұлтан Құнанбайдың есімін беруді олблыстық мәслихат депутаты Айбек Нұғымаров ұсынды. Бұл қаланың зиялы қауымы тарапынан көптен бері көтеріліп жүрген мәселе болатын. Өйткені Құнанбай тек Ұлы Абайдың әкесі ғана емес, өз заманының көрнекті қайраткер болған тұлға.
Осы талқылаулардан кейін небәрі 20 минутқа созылған сессия отырысы аяқталды.
Мақалада: Облыстық мәслихаттың сессиясы өтті
