Абай облысының полиция қызметкерлері республикалық спартакиадада топ жарды, -деп хабарлайды Semeytany.kz ақпараттық порталы Абай облысы әкімдігіне сілтеме жасап.
Биылғы жылдың 13-15 қазаны аралығында Өскемен қаласында Қазақстан полициясының 30 жылдығына арналған ҚР ІІМ IX спартакиадасы және «Динамо» спорт қоғамының IX ведомствоаралық Спартакиадасы бағдарламасындағы самбодан құқық қорғау органдарының, күштік және басқа да арнаулы құрылымдар қызметкерлері мен әскери қызметшілері арасындағы жарыс аяқталды.
Спортшылар 58 , 64 , 71 , 79 , 88 , 98 және 98 келі салмақ дәрежесінде өнер көрсетті. Командалық есепте орындар келесідей бөлінді:
1-орын- ҚР Қорғаныс министрлігі;
2-орын-ҚР ІІМ;
3-орын-ҚР Ұлттық ұланы.
Полиция департаменттерінің арасында:
1-орын Астана қ. ПД;
2-орын-Абай облысы ПД;
3-орын- Алматы қ. ПД.
Жеңімпаздар «Динамо» спорт қоғамының Орталық кеңесінің кубоктармен, медальдармен, дипломдармен «Динамо» ҚҚҚ Орталық кеңесінің бағалы сыйлықтарымен марапатталды.
