Өткен жұма, 4 қараша күні Қазақстан Республикасы Орталық сайлау комиссиясы төрағасының орынбаса- ры Константин Петров Абай облысына келді. Константин Петров сайлау учаскелерін аралап, 20 қарашаға тағайын- далған Қазақстан Республикасы Президентінің кезектен тыс сайлауына дайындықтарын тексерді. Осыдан соң ке- зектен тыс президент сайлауын ұйымдастыру мәселесіне арналған семинар-кеңес өткізді. Семинарға облыс әкімінің орынбасары Шалқар Байбеков, құқық қорғау органдары- ның өкілдері және тәуелсіз бақылаушылар мен аумақтық және учаскелік сайлау комиссиялары мүшелері қатысты.
Семинар-кеңесте учаскелік сай- лау бөлімшелерін сайлау науқанына қажетті құрал-жабдықтармен қамтамасыз ету, Қазақстан Республикасы Президентінің кезектен тыс сайлауын әзірлеу мен өткізудің құқықтық негіздері туралы сөз қозғалды. Уәкілетті мемлекеттік органдар мен сайлау комиссияларының төрағалары мен мүшелері өңірлерде жүргізіліп жатқан сайлау науқанына дайындық жұмыстары — сайлауды ұйымдастыру, сайлау учаскелерінің қажетті құралдармен жабдықталуы, мүгедек азаматтардың дауыс беруіне жағдай жасау, сайлау бюллетеньдерін күзету және уақтылы жеткізуді қамтамасыз ету шаралары туралы баяндады. Константин Петров дауыс беруге арналған үй-жайлардың тек сайлаушылар үшін ғана емес, бақылаушылар, үміткерлердің сенімді өкілдері және бұқаралық ақпарат құралдарының өкілдері үшін де қолжетімді және ыңғайлы болуын қамтамасыз ету қажеттігін баса айтты.
Талшын ҚАЛИАСҚАР,
«Семей таңы»
