“Қазгидромет” мамандары Қазақстан бойынша 2022 жылғы 22-24 қарашаға арналған ауа райы болжамын жариялады. Синоптиктер мәліметінше, алдағы күндері еліміздің басым аймағында аяз күтіледі, деп хабарлайды Stan.kz ақпарат агенттігі.
Алдағы күндері Қазақстанның басым бөлігінде жауын-шашын болжанады. Еліміздің солтүстік, орталық және шығыс аймақтарында қар жауады. 22-24 қарашада еліміздің оңтүстік-шығысында қатты жауын-шашын (жаңбыр, қар), 23 қарашада шығыста қатты қар жауады.
Республика бойынша желдің күшеюі, көктайғақ, тұман, елміздің солтүстігінде, шығысында және орталығында бұрқасын күтіледі. Мамандардың болжамына сәйкес солтүстікте, шығыста және орталықта түнде -17-28 градус аяз болады.
