Жеңіл салмақтағы бұрынғы UFC чемпионы Хабиб Нұрмағамедов ММА индустриясынан кететінін айтты. Бұған дейін БАҚ беттерінде осындай ақпараттар тараған еді, деп хабарлайды semeytany.kz
Спортшы Instagram желісіндегі парақшасында жекпе-жек әлемінен кетіп жатқанын айтқан басылымға репост жасады.
«Хабиб ММА индустриясынан кетеді. Бұл жаттықтырушы мансабына және MMA-ға қатысты барлық нәрселерге қатысты. Оған себеп – Хабибтің отбасына уақыт бөлгісі келетінінде», — делінген жазбада.
Бұған дейін Нұрмағамедов командасымен кездесу өткізіп, одан кейін бірлескен суретін жариялап, пікір қалдырған: «Жылды қорытындыладық. Жыл, әрине, оқиғаға толы және табысты болды. Өздеріңізді сақтаңыздар, бауырлар! Менің шешімім тек пайда әкеледі деп сенемін, бәріңізді қатты құшақтадым! Рахмет, сіздер менің спорттағы жетістіктеріме үлкен себепкер болдыңыздар», — деп жазған еді Хабиб.
Белгілі ресейлік күрескер Магомед Исмаиловтың жаттықтырушысы әрі ағасы Рамазан Исмаиловтың айтуынша, Хабибтің шешіміне Дубайда кездескен әйгілі ислам уағызшысы Закир Наикпен кездесуі әсер етуі мүмкін.
«Онымен болған әңгіме әсер етуі мүмкін. Бірақ бұған қатты сенбеймін. Оның лигасы бар, оны алда маңызды жекпе-жек күтіп тұрған Ислам Махачев бар. Оны қалай тастап кетуге болады?», — деп келтіреді Исмаиловтың сөзін MMA.Metaratings.ru сайты.
