«AMANAT» партиясының Абай облыстық филиалының жанындағы «Жастар Рухы» Жастар Қанатының ұйымдастыруымен «JASSTAR RUN» атты қыздар мен ұлдар арасындағы қашықтыққа жүгіруден марафон өтті.
Марафонды «AMANAT» партиясының Абай облыстық филиалының Төрағасы Қуаныш Сүлейменов ашып, қатысушыларға сәттілік тіледі.
— Спорт – денсаулық кепілі. Әрбір адамның денсаулығы өз қолында. Салауатты өмір салты — бұл ең бірінші денсаулықты сақтауға және нығайтуға бағытталған белсенді іс-әрекет. Спорттың арқасында жастар жаман әдеттерден аулақ болады. Ал Қазақстанның болашағы бақытты, денсаулығы мықты, саналы ұрпақтың қолында. Жастарды спортқа баулу, салауатты өмір салтын қалыптастыру мақсатында осындай спорттық шараларды ұйымдастыру өте маңызды. Бүгінгі марафонға қатысушыларға тек сәттілік тілеймін! — деп ақ жарма тілегін білдірді Қуаныш Серқазыұлы.
Ертіс жағалауынан басталған марафон Бейбітшілік аралына дейін созылды. Жеңімпаздар бағалы сыйлықтар мен кубоктармен марапатталды.
«AMANAT» партиясының Абай облыстық филиалы
