Бүгін Семей қаласында Freedom Bank филиалының ашылу салтанаты өтті. Салтанатты рәсімге банктің басқарма төрайымы Гүлфайруз Ахметова, ҚР Ұлттық Банкі Семей қаласы филиалының директоры Алтынай Әбдірахманова және қала тұрғындары қатысты.
Бұл — «Банк Фридом Финанс Қазақстан» Акционерлік қоғамының Қазақстандағы он үшінші филиалы.
Салтанатты шарада сөз алған Freedom Bank басқарма төрайымы Гүлфайруз Ахметова облыс тұрғындарының белсенділігін атап өтті.
‒ Құрметті Абай, Мұхтар, Шәкәрімдей ғұламаларды өмірге әкелген киелі өлкенің тұрғындары! Бүгін Сіздердің қалаларыңызда банк филиалы ашылып отыр. Абай облысының тұрғындары белсенді клиенттер қатарында. Соңғы екі жылда облыс тұрғындары 3,5 млрд теңге несие алды. Ақпан айынан бастап қазіргі уақытқа дейін 1,1 млрд теңге кәсіпкерлік мақсатта берілді. Ипотека алушылар қатары да артты. Бұл қызметтер онлайн режімде цифрлық несие арқылы жүзеге асырылды. Соған қарамастан, халықпен тығыз байланыс орнату, қызықтырған сауалдарына жауап беру мақсатында филиал ашып отырмыз,- деді басқарма төрайымы Г.Ахметова.
Freedom Bank Freedom Holding Corp халықаралық инвестициялық тобына кіретін «Фридом Финанс» акционерлік қоғамының еншілес ұйымы болып табылады. Холдингтің акциялары NASDAQ Capital Market, Қазақстан қор, Санкт-Петербург және Украина биржаларында саудаланады. 2021 жылдан бері нарықта нәтижелі жұмыс істеп жатқан Freedom Bank осы қысқа мерзім ішінде Қазақстанда баламасы жоқ цифрлық өнімдерді әзірлеп, нарыққа шығарды. Банк арқылы цифрлық ипотека және цифрлық автокредитті құжат жинап әуре-сарсаңға түспей-ақ, онлайн режімде бір күннің ішінде рәсімдеуге болады. Банкте электрондық әмияндарға цифрлық құжаттарды қосуға мүмкіндік бар, мультивалюталық депозиттік картаны, инвестор картасын және шағын және орта бизнеске арналған мамандандырылған өнімдердің кең желісін іске қосқандығын да банк жетістігі ретінде атап өткен жөн.
Шара барысында ҚР Ұлттық Банкі Семей қаласы филиалының директоры Алтынай Әбдірахманова сөз алып, филиалдың жұмысына сәттілік тіледі. Freedom Bank Семей қаласындағы филиалының директоры Камашев Ернар мұнда көрсетілетін қызметтермен таныстырды. Басты мақсат — жеке және заңды тұлғаларға кешенді қызмет көрсету. Бөлімшеде үш касса, электронды кезек және VIP клиенттерге қызмет көрсету бөлмесі бар. Филиал аумағында банк клиенттері үшін жеке автотұрақ қарастырылған, сондай-ақ тәулігіне 24 сағат қолжетімді банкомат та орналасқан.
Банк филиалы облыс орталығында қазан айының басында ашылды. Алқашқы банкомат Семей цемент зауыты аумағында орнатылыпты.
-Біздің зауыт — банктің алғашқы клиенттерінің бірі. Банктің артықшылығы клиенттеріне жылдам қызмет көрсетеді, несиелеуді санауалы секундта жүзеге асырады. Біздегі 1500-ге жуық жұмысшы осы банктің картасын пайдаланады,- дейді Цемей цемент зауытының атқарушы директоры Тимур Тілеубаев.
Мультивалюталық депозиттік картаның ерекшелігі – банк тұтынушысының жалақысы карталық шотына түскен сәттен бастап, жинақ қаржысы ретінде, сол ақшасына 15,5 пайыз сыйақымен үстеме қосылып отырады. Яғни, өзге банктердегі сияқты ақшаны арнайы депозитке аударудың қажеті жоқ.
Freedom Bank 2,5 жыл ішінде еліміздің үздік банктерінің қатарына енді. 2022 жылдың қорытындысы бойынша, алдыңғы кезеңдегідей, активтердің өсуі бойынша сектордың көшбасшысы болды. Осы уақыт аралығында Банк активтері 2.1 трлн теңгеге дейін ұлғайды. Нәтижесінде 2021 жылы Қазақстандағы екінші деңгейдегі банктер арасында 20-орынды иеленсе, қазіргі таңда екінші деңгейдегі ТОП-8 банк қатарында.
Банк басшылығы көрсетілетін қызметтерді жетілдіруде. Банк бизнесті дамытуға ерекше көңіл бөліп отыр. Биыл инвестициялық мақсаттарға және айналым қаражатын 100 млн теңгеге дейін толықтыруға арналған «ЖК үшін Цифрлық кредит» жаңа өнімі шықты.
Айта кетсек, филиал кеңсесінде жеке кәсіпкерлірге, жеке тұлғаларға және заңды тұлғаларға несие беру, карточка, шот ашуға мүмкіндік бар. Филиал дүйсенбі – жұма күндері аралығында, таңғы сағат 9-дан кешкі 18-ге дейін жұмыс істейді. Кеңсе қала орталығында, Байсейітов көшесі, 29 мекенжайы бойынша орналасқан.
Әйгерім СӘРСЕНҚАЛИ,
«Семей таңы»
