Облыс әкімі Нұрлан Ұранхаев жауапты басқармалар мен бөлім басшыларымен бірге Семей қаласындағы бірнеше құрылыс нысандарын аралады.
Алдымен Бейбітшілік аралындағы темір жол құрылысының барысын бақылады. Бүгінде болашақ темір жолдың салынатын жері мен өтетін орны нақтыланып жатыр.
«Аралдағы барлық құрылыс жұмыстары экологиялық ережелерді қатаң сақтай отырып ұйымдастырылуы тиіс. Темір жолды салу барысында ағаштарды кеспей, Бейбітшілік аралының табиғи көрінісін барынша сақтап қалуға үлкен күш жұмсау қажет», — деді Нұрлан Ұранхаев.
Сонымен қатар аймақ басшысы қаламыздың орталығында жаңадан бой көтеріп жатқан тұрғын үй құрылысының жұмысымен танысты. Облыс әкімі құрылыстың барлық нормаларын сақтаудың, сапалы құрылыс материалдарын пайдаланудың маңыздылығын атап өтіп, құрылысқа жауапты Бақылау басқармасына салынып жатқан объектілердің заңдылығын мұқият бақылауды тапсырды.
Өз тілшіміз
