Аягөз ауданында тағы да қоныс тойы. Бұл жолы мемлекеттік тұрғын үй қорында кезекте тұрған 17 отбасы баспаналы болды.
Сымбат ҚАЙРАТҚЫЗЫ,
«Semeı tańy»
Осы аптада Аягөз қаласындағы көп қабатты тұрғын үй пайдалануға берілді. Салтанатты іс-шарада тұрғындарды алғашқы болып аудан әкімі Қанат Әділбай құттықтап, пәтер кілттерін табыстады.
— Бүгін 17 отбасы баспаналы болды. Ауданымыз бойынша бүгінде тұрғын үй алу кезегінде 1517 азамат тіркелген, оның ішінде 753 азамат әлеуметтік осал топтар дан, 266 азамат көп балалы отбасылардан, жетім немесе ата–анасының қамқорынсыз қалған балалар санатында — 212 бала, 268 азамат мемлекеттік қызметкерлер, бюджеттік мекеме жұмысшылары санатынан, сондай-ақ 18 отбасы — заңнамаға сәйкес үйі апатты деп танылған азаматтар. Биылғы жылдың аяғына дейін «Нұрлы жер» бағдарла масы аясында қаладағы Қабанбай батыр көшесінің бойында салынып жатқан екі бес қабатты 60 пәтерлі тұрғын үйді пайдалануға беру көзделуде. Баспаналар «Отбасы банкі» арқылы несиеге берілетін болады. Ал қаланың Р.Қошқарбаев көшесінде «Офтейк келісімшарт» негізінде екі пәтерлі 28 үйдің құрылысы іске асырылуда. Жаңа шаңырақ иелерін осындай айтулы күнмен шын жүректен құттықтаймын! Баспаналарыңыз берекелі болып, баршаңызға қуаныш әкелсін, – деді аудан басшысы Қ.Әділбай.
Айта кетелік, әр пәтердің жалпы ауданы — 80-100 шаршы метр, үйлер жылыту пештерімен қамтамасыз етілген, жөндеу жұмыстарын қажет етпейді. Ауласында бау-бақшаға арналған бос орындар бар.
Жаңа қонысқа ие болған тұрғындар билікке алғысын білдіріп, жақсылық жалғаса берсін деген тілектерін айтты.
