Апта сәрсенбісінде ел ордасы Астана төрінен ақжолтай хабар жетті. Атап айтсақ, Абай облысының екі еріктісі республикалық «Жыл волонтері» сыйлығының жеңімпазы атанды.
Қуаныш ЖОЛЫМБЕТ,
«Semeı tańy»
Жуырда Астана қаласында Президентіміз Қасым-Жомарт Тоқаевтың тапсырмасымен дәстүрлі түрде өткізіліп келе жатқан «Жыл волонтері» халықаралық сыйлығының жеңімпаздарын марапаттау рәсімі болып өткен еді. Биыл төртінші жыл қатарынан ұйым-дастырылған сыйлық негізінен ел түкпіріндегі волонтер¬лер қозғалысын дамытуға және қол¬дауға, әлеу¬меттік және қоғамға пай¬далы міндет¬терді шешуге елеулі үлес қос¬қан отан-дық және халық¬аралық волон¬терлер мен во¬лон¬тер¬лер топтарын, волонтер¬лер ұйы쬬дарын барынша көтермелеуге және ын¬та¬ландыруға бағытталған.
Халықаралық волон¬тер¬лер күні аясында ұйымдас¬ты¬рыл¬ған осынау іс-шара барысында еліміздің әлеу¬меттік, қоғамдық өміріне белсене арала¬сып, мұқтаж жандарға қолұшын созып жүрген 47 волонтер мен волонтерлік ұйымдар үздік деп танылды.
Іріктеудің әуелгі кезеңінде тәуел¬сіз сарапшылар өтінім бер¬ген¬¬дерді қоғамға маңызы мен әлеу¬мет¬тік желідегі белсенділігіне қарап, келесі кезеңге өткізді. Ал екін¬ші сатыда министрлік жанынан құр¬ыл¬ған арнайы комиссия мүшелері ашық дауыс беру арқылы нақты түрде шешім қабылдады.
Нәтижесінде осынау мерекелік кешке республи¬ка¬ның түкпір-түкпірінен волонтерлікті серік еткен белсенді жастар қауымы арнайы шақырылды. Бұл жолғы қоғам белсенділері 15 әлеумет¬тік маңызы бар аталым бо¬йынша іріктелген екен. Соның ішінде Абай облысынан Әлихан Бөкейхан университетінің студенті, «Ақ Ниет» қайырымдылық ұйымының жетекшісі Аяулым Дүйсенова «Корпоративтік волонтерлік көшбасшысы» номинациясының, БҰҰ-ның есірткіге қарсы күрес ұйымының еріктісі, Абай облысы жастар мәслихатының депутаты Руслан Бутанаев «Салауатты өмір салтын насихаттауға белсенді қатысқаны үшін» номинациясының иегері атанып, топ жарды. Жеңімпаздарды ҚР Мәдениет және ақпарат вице-министрі Данияр Қадыров құттықтап, алдағы уақыттардағы еңбектеріне табыс, мол жетістік тіледі.
Сөз орайында айта кетелік, Жастар орталығының мәліметінше, Абай облысында 4 мыңға жуық ерікті бар. Сондай-ақ волонтерлік бағытта жұмыс істейтін 8 қоғамдық бірлестік, оқу орындарында 23 волонтерлік ұйым және 19 бастамашыл топ тіркелген. Жыл басынан бері облыста 458 волонтерлік іс-шара ұйымдастырылып, оған 4500-ден астам жас тартылыпты.
