Прокурордың мәліметінше, Болат Бақауовтың әрекетінде қылмыс құрамы болмаған.
«Экономикалық тергеу департаменті тергеушісінің 2022 жылғы 22 қазандағы қаулысымен, яғни сот үкімі шыққаннан кейін ЖШС-нің салықты төлемегені туралы іс қылмыстық құқық бұзушылықтың болмауына байланысты тоқтатылды. Тергеушінің істі қысқартуына байланысты Павлодар облысының әкімшілік істер жөніндегі мамандандырылған ауданаралық соты 2023 жылғы 10 мамырдағы шешімді заңсыз деп танылып, қосымша салықты есептеу туралы хабарламаның күші жойылды», – делінген сот хабарламасында.
Осылайша, сот Бақауовты 2020 жылы «Ауыр зардаптарға әкеп соқтырған лауазымдық өкілеттіктерді асыра пайдалану» бабы бойынша кінәлі деп таныған үкімнің күшін жойды.
Сот Бақауовқа 3,5 жылға бас бостандығын шектеу жазасын беріп, оған өмір бойы мемлекеттік органдарда жұмыс істеуге тыйым салынған болатын.
Сот шешімі бойынша Бақауовтың мемлекеттік марапаттары ,»Құрмет » ордені мен «Ерен еңбегі үшін » медалі да қайтарылып берілді.
