Абай гарнизонына қарасты 28738 әскери бөлімінің әскери қызметшілері «Қайырымдылық» күні аясында Семей қаласындағы кәмелетке толмағандарды бейімдеу орталығында болды.
15 наурыз наурызнама бойынша қайырымдылық күні. Осы орайда қайырымдылықты басты құндылық санайтын әскери қызметшілер Наурыз мейрамы қарсағында балалардың көңіліне қуаныш ұялатты.
Балдырғандарға арнап әскерилер қадірі мол наурыз көже ұсынып, дастархан кеңге жайылды және түрлі дәмдәлер қойылды. Бұған қоса әскерилер домбырамен күй тартып, әсем әндер шырқалды.
Наурыз көжеден дәм татқан жасөспірімдер алғыстарын білдіріп, жылы тілектерін жеткізді.
Абай өңірлік гарнизонының баспасөз қызметі
