Жарма ауданының орталығы – Қалбатау ауылында жаңа мешіттің іргетасын қалау рәсімі өтті. Аталған шараға аудан әкімінің орынбасары Райым Нұрғалиев, аудандық мәслихаттың төрағасы Мейрхан Оспанбаев пен Абай облысының бас имамы Асқар Әбітайұлы қатысты.
Бас имам Асқар Мұқанов тұрғындар қажеттілігіне бағытталған осы сауапты істің басталуымен құттықтап, мешіт құрылысын қолға алған «Құрылыс» ЖК басшысы Мұхтар Қасымханұлы Садвақасовтың игілікті бастамасына сәттілік тіледі.
Мешіт – барша жақсылықтың тоғысқан құтты мекені. Ол — құлшылықтың ғана емес, рухани һәм мәдени-ағарту, бірлік пен берекенің ошағы.
Жаңа мешіт салт-дәстүріміздің, тағылымға толы тарихымыздың насихатшысы, әрі қайырымдылықтың орталығына айналады деп білеміз.
