Абай облысы Бесқарағай ауданында «Таза Қазақстан» экоакциясы аясында көшелер тазаланды
Акцияға қатысушылар ағаштарды әктеп, аумақты қоқыстан тазартты. Тазалық жұмыстарына аудан басшылығы, белгілі спортшылар, жас отбасылар, аудан депутаттары, ауыл тұрғындары, бұқаралық ақпарат құралдары мен еріктілер, сондай-ақ «Жасыл ел» жасағы қатысты.
Сенбілікке қатысушы, «Қазақ этномәдени бірлестігінің» мүшесі Салтанат Ысқақова облыстың барлық аудандарына мұндай акциялар ауадай қажет екенін атап өтті.
– Бірлік, жасампаздық, өрлеу – бүгінгі акцияның басты ұраны. Оған аудандағы этномәдени бірлестік мүшелері тікелей атсалысып жатырмыз. «Таза Қазақстан» акциясы аясында осындай ауқымды сенбілікті ұйымдастырушыларға үлкен алғысымды білдіремін, – деді Салтанат Ысқақова.
