Semeytany.kz – Абай ауданында ерекше күтімді қажет ететін азаматтарға арналған арнаулы әлеуметтік қызметтер көрсету орталығының құрылысы қарқынды жүргізіліп жатыр. Бұл маңызды жоба «Ауылын көріп, азаматын таны» бастамасының нақты жемісі саналады. Жоба аясында ауыл тұрғыны Сейфолла Рахымбаев өз иелігіндегі екі қабатты ғимаратты мемлекет меншігіне сыйға берген. Құрылыс жұмыстарының қалған бөліктері ұлттық қор есебінен қаржыландырылуда.
Жаңа мекеме заманауи инфрақұрылыммен жабдықталып, ерекше күтімді қажет ететін жандарға жан-жақты әлеуметтік қолдау көрсетуге бағытталады. Бүгінде құрылыс жұмыстарының 75 пайызы аяқталған. Қазіргі уақытта тас тақтайшаларды төсеу, кәріз жүйесін тарту, ғимараттың сыртқы қаптамасын орнату және аумағын қоршау жұмыстары жүргізіліп жатыр. Құрылыс алаңында 6 жұмысшы мен 1 арнайы техника жұмылдырылған.
