Semeytany.kz – Бүгін «Семей орманы» мемлекеттік табиғи резерватында орман өрттерінің алдын алу мақсатында заманауи ерте анықтау жүйесі іске қосылды. Маңызды жобаның таныстырылымына Экология және табиғи ресурстар министрі Ерлан Нысанбаев, «Қазақтелеком» АҚ басқарма төрағасы Бағдат Мусин және облыс әкімінің орынбасары Қуаныш Сүлейменов қатысты.
Жаңа жүйе орман өртін уақытылы анықтап, жедел әрекет етуге мүмкіндік беретін технологиялық шешім ретінде енгізіліп отыр.
Қалай жұмыс істейді?
🔹 Жүйе тәулік бойы жұмыс істейді
🔹 Оптикалық және термовизиялық камералар орман аумағын толық қамтиды
🔹 Камералар 30 метрлік антенна-діңгектерге орнатылып, 360° шеңберде айнала бақылайды
🔹 Түтін немесе өрт белгілері байқалған сәтте жүйе жедел басқару орталығына автоматты түрде сигнал жібереді
Бұл жүйе орман өртін ерте анықтап, жою шараларын жедел ұйымдастыруға мүмкіндік береді, сондай-ақ залалды азайтуға ықпал етеді.
Жоба келешекте Төтенше жағдайлар министрлігінің басқару орталығымен біріктіріліп, республикалық деңгейде орман алқаптарын бақылау жүйесіне қосылмақ.
«Семей орманы» — еліміздің табиғи байлығы. Оны сақтап қалу үшін осындай заманауи технологиялар ауадай қажет.
