Semeytany.kz — 2025 жылдың 21 маусымында Семей қаласында «Адал жол – таза жүрек» атты кең ауқымды марафон ұйымдастырылды. Шара сыбайлас жемқорлыққа қарсы мәдениетті насихаттап, салауатты өмір салтын дәріптеуге арналды.
Марафон Семей қаласы ішкі саясат басқармасының бастамасымен қолға алынған «Жастар арасында сыбайлас жемқорлыққа қарсы мәдениет қалыптастыруға бағытталған әлеуметтік қызмет» жобасы аясында өтті. Ұйымдастырушылар қатарында «Сана» жастар қоғамдық бірлестігі, Абай облыстық Сыбайлас жемқорлыққа қарсы қызмет департаменті және облыстық дене шынықтыру және спорт басқармасы бар.
Спорттық шараға жүзден астам қала тұрғыны, студенттер мен белсенді жастар қатысты. Қатысушылар 5 және 10 шақырымдық қашықтық бойынша бақ сынап, әділдік пен ынтымақтың үлгісін көрсетті.
Жеңімпаздар тізімі:
5 км – ерлер арасында:
-
🥇 Руслан Файзиев
-
🥈 Бауыржан Дәулетбаев
-
🥉 Марат Ибраимов
5 км – әйелдер арасында:
-
🥇 Татьяна Купцова
-
🥈 Турсун Шонотаева
-
🥉 Айнұр Саятова
10 км – ерлер арасында:
-
🥇 Ақпейіл Кутуев
-
🥈 Ақылбек Сабитов
-
🥉 Әлібек Нұрмаханбетов
10 км – әйелдер арасында:
-
🥇 Айман Нұрлыбек
-
🥈 Шамшырақ Сержанова
-
🥉 Наира Аспанияр
Жеңімпаздарға марапаттар мен естелік сыйлықтар табысталды. Ал барлық қатысушыларға алғыс хаттар мен сертификаттар берілді.
Ұйымдастырушылар бұл марафонның тек спорттық шара емес, сонымен бірге жастардың бойына отансүйгіштік, адалдық пен әділеттілік ұстанымдарын сіңіретін тәрбиелік маңызы зор бастама екенін атап өтті.
