Semeytany.kz – Ақсуат ауылында жол қозғалысы қауіпсіздігін күшейту мақсатында бірқатар нақты шаралар жүзеге асып жатыр. Соның бірі – елді мекен көшелеріне заманауи бағдаршамдар орнату жобасы.
Аталған жоба аясында ауылдың жол қозғалысы көп шоғырланған 7 учаскесіне жаңа жарық реттеуіштер қойылды. Оның төртеуі көлік құралдарына арналған болса, үшеуі жаяу жүргіншілер үшін орнатылған. Бағдаршамдар мектеп маңына, қоғамдық орындарға және көлік жүрісі жиі тіркелетін жол тораптарына қойылған.
Бұған дейін бұл учаскелерде тұрғындар тарапынан қауіпсіздік мәселелері жиі көтеріліп келген. Жергілікті әкімдік өкілдерінің айтуынша, жаңа бағдаршамдар жол-көлік оқиғаларын азайтып, тәртіпті күшейтуге мүмкіндік береді.
Жоба жалғасады. Алдағы уақытта жаяу жүргінші жолақтарын жаңарту, жол белгілерін жаңадан орнату және жол жабындысын жөндеу жұмыстары да жоспарланып отыр.
