Semeytany.kz – Абай облысында екі бірдей заңсыз әрекеттің жолы кесілді. Бұл туралы ҚР Ұлттық қауіпсіздік комитетінің Шекара қызметі мәлімдеді.
2025 жылғы 6 шілдеде «Ауыл» шекаралық бақылау бөлімінде Қазақстаннан Ресейге бағыт алған автокөлікті тексеру барысында 700 литр дизель отыны табылған. Экспортқа уақытша тыйым салынған жанар-жағармайды шекарадан заңсыз алып өтпек болған Қырғызстан азаматына қатысты Абай облысы бойынша Мемлекеттік кірістер департаменті оны елден шығарудан бас тартты.
Ал келесі күні, 7 шілдеде, «Байтанат» шекара бөлімшесінде ҚР азаматы басқарған көліктен 3 миллион ресей рублі (шамамен 19,7 млн теңге) табылған. Бұл сома шекарадан арнайы тәртіппен ресми тіркеусіз өткізілмек болған. ҚР Президентінің 2022 жылғы №830 Жарлығына сәйкес, азамат ел аумағынан шығарылмады.
Шекара қызметінің мәліметінше, заңсыз әрекеттердің алдын алу және қауіпсіздікті қамтамасыз ету бағытындағы жұмыс жалғасуда.
