Semeytany.kz – Мемлекет басшысы Қасым-Жомарт Тоқаев Alemcloud Ұлттық суперкомпьютер орталығына барып, NVIDIA H200 графикалық процессорлары негізінде жасақталған жаңа дата-орталықтың жұмысын іске қосу рәсіміне қатысты.
Суперкомпьютер жүйесі Цифрлық даму, инновациялар және аэроғарыш өнеркәсібі министрлігінің бастамасымен халықаралық серіктестермен бірлесе отырып әзірленген. Бұл құрылғы FP8 форматындағы есептеу әдісі бойынша 2 экзафлопсқа дейінгі өнімділікке ие. Бұл көрсеткіш бойынша жаңа кластер Орталық Азиядағы ең қуатты суперкомпьютер саналады.
Президент Тоқаевтың айтуынша, суперкомпьютерді іске қосу – елдегі негізгі салаларды цифрландыруға бағытталған маңызды қадам. Бұл бастама Қазақстанның цифрлық технологиялар саласында жаңа деңгейге көтерілуіне жол ашады.
Жаңа жүйенің есептеу қуатын жасанды интеллект пен нейрожелі шешімдерін дамытатын стартаптар, жоғары оқу орындары, ғылыми орталықтар, мемлекеттік мекемелер мен жеке компаниялар қолдана алады.
