Semeytany.kz – Абай облысындағы Геологиялық барлау колледжінде өткен ІІ Республикалық жас геологтардың далалық олимпиадасы өз мәресіне жетті. Апталық білім бәйгесіне еліміздің әр өңірінен келген 15 команда қатысып, 9–11 сынып оқушылары геология саласында білімдерін тәжірибемен ұштастырды.
Қатысушылар минералогия, палеонтология, гидрогеология, шлихты сынама алу, геологиялық қима жасау сынды бағыттар бойынша бақ сынап, далалық лагерь құрудан бастап күрделі практикалық тапсырмаларды орындады.
Салтанатты жабылу рәсіміне ҚР Индустрия және құрылыс министрлігінің Геология комитеті төрағасы Ерлан Ақбаров, ҰҒА академигі Серікбек Дәукеев пен Абай облысы Білім басқармасы басшысының міндетін атқарушы Бауыржан Туленов қатысты.
Жүлделі орындар төмендегідей бөлінді:
І орын – Астана қаласының «Альтаир» командасы
ІІ орын – Қазақстан құрамасының «Аспан» командасы
ІІІ орын – Қостанай қаласының «Геобайт» командасы
«Үздік жас геолог» атағына ие болғандар:
🥇 Алина Блохина (Қостанай облысы)
🥈 Артем Трещев (Қазақстан құрамасы)
🥉 Еркеназ Оразалы (Астана қаласы)
Сонымен қатар, үздік қатысушыларға техникалық жоғары оқу орындарының білім гранттары табысталды:
– КБТУ гранты – Талдықорғаннан келген «Жетісу» командасының мүшесі Бақберген Бекарысқа;
– Satbayev University гранты – Алина Блохина (Қостанай), Дейно Платон (Семей), Жұмашев Әлихан және Омаров Аслан (Астана);
– ҚарТУ гранты – Соловьенко Анна (Ақтөбе).
Жас геологтар сайысы Геология комитетінің бастамасымен, сондай-ақ Kazakhmys, ERG, Kazzinc, Yer-Tai, Геокен, «Алел» ҚИК, Эмбамунайгаз, ProLabSupport және Solidcore Resources сынды серіктестердің қолдауымен ұйымдастырылды.
