Semeytany.kz – Облыс әкімінің бірінші орынбасары Ербол Садыр Мақаншы ауданына жұмыс сапарымен барып, өңірде іске асырылып жатқан маңызды жобалардың барысын бағамдады.
Сапар барысында ол 8 миллиард теңге көлемінде инвестиция тартылған «Di-Nur» компаниясының май зауыты құрылысы алаңында болды. Жоба аясында 120 жаңа жұмыс орны ашылып, зауытты 2025 жылдың соңына дейін іске қосу жоспарланып отыр.
Май өңдейтін бұл өндіріс орны ауданның индустриялық дамуына серпін беріп қана қоймай, жергілікті тұрғындарды тұрақты табыспен қамтамасыз етпек.
Сондай-ақ Ербол Садыр Бақты кеден бекетінің жұмысымен танысып, шекарадағы инфрақұрылым мен қызмет көрсету сапасына назар аударды.
