Semeytany.kz – Семей қаласында құтқарушылар бетон плитасының астында қысылып қалған күшікті құтқарып қалды.
Абай облыстық Төтенше жағдайлар департаментінің мәліметінше, 112 пультіне Рыскұлов көшесінде күшікті бетон басып қалғаны жөнінде хабарлама түскен. Жануар өздігінен шыға алмай қалғанын көрген куәгерлер дереу құтқару қызметін шақырған.
Шақырту түскен сәтте оқиға орнына Жедел-құтқару жасағының мамандары аттанып, арнайы “Холматро” атты гидравликалық құрал арқылы бетон плитаны көтеріп, күшікті қауіпсіз түрде сыртқа алып шықты.
