Semeytany.kz — Тамыз конференциясы аясында Абай облысының әкімі Берік Уәли білім саласына елеулі үлес қосқан бірқатар педагогқа жоғары марапат белгілерін табыс етті. Шарада үздік ұйымдар да анықталды.
«Ерен еңбегі үшін» медалі Ақсуат ауданындағы К.Нұрбаев атындағы орта мектептің қазақ тілі мен әдебиеті пәні мұғалімі Гүлназ Байболатоваға берілді. «Білім беру ісінің құрметті қызметкері» төсбелгісімен Абай ауданындағы Қарауыл гимназиясының бастауыш сынып мұғалімі Үміткүл Әділбек, Семей қаласындағы №50 IT-мектеп-лицейінің математика пәні мұғалімі Парзана Мустафина және Жаңасемей ауданындағы Бұлақ орта мектебінің бастауыш сынып мұғалімі Гүлмира Хамзина марапатталды.
«Үздік ұйым» конкурсында «Білім-инновация» лицейі 30 млн теңге, Ақсуат ауданындағы Би Боранбай атындағы мектеп 20 млн теңге, Аягөз қаласындағы №1 жалпы орта білім беретін мектеп 18 млн теңге грантқа ие болды.
