ТҰРҒЫНДАР ӨТІНІШІ ЖАУАПСЫЗ ҚАЛМАЙДЫ
Өткен аптада Семей қаласының әкімі Бақытжан Байахметов кезекті рет азаматтарды жеке мәселелері бойынша қабылдады. Бұл күні қала әкімінен көмек сұрап келген семейліктердің өтініштері негізінен тұрғын үй мәселесіне қатысы болды.
Қала әкімнің қабылдауында болған Валентина Руденко — зейнеткер, ата-ана құқығынан айырылған қызының үш баласын тәрбиелеп отыр. Балалар әжесімен бірге 7-ші проезд көшесі, 16-1 мекенжайында тұрады. Валентина Руденко әкімнен үйлерін жөндеуге көмек көрсетуді сұрап келген екен.
Айта кетсек, балалар № 15 жалпы орта білім беретін мектепте оқиды. Тегін тамақпен және киіммен қамтамасыз етілген. Балалардың қамқоршысы Валентина Руденко балаларға тағайындалған арнайы жәрдемақыны алады. Балалар тұрғын үй алу үшін кезекке қойылды.
Ағымдағы жылдың 10 наурызында балалар тұрып жатқан үйді арнайы комиссия тексерген болатын. Білім бөлімінің қызметкерлері, учаскелік инспекторлар, әлеуметтік педагог және психолог, облыстық мәслихат депутаты Альбина Ахметова және қалалық мәслихат депутаты Жанат Молдағалиева «AMANAT» партиясы филиалымен бірге Валентина Руденконың тұрғылықты мекенжайына барып қайтты. Үйде шынымен де, су тасқыны кезеңінде су басуы салдарынан ылғалдылық пайда болған. Ал 15 наурызда депутат Жанат Молдағалиева құрылысшылармен бірге үйдің жағдайын қайта бір қарап шықты.
Қабылдау қорытындысы бойынша тұрғынның өтініші қанағаттандырылып, ТҮКШ бөліміне үйді жөндеуге көмек көрсету тапсырылды. Желдеткіш жасау, су арқылы жылыту жүйесін жүргізу, шатырды жөндеу және үйдің айналасына іргетас бойымен қиыршық тас төсеу жұмыстары жүргізілетін болады.
Ал Әйгерім Мәдениетова — бала кезінен мүгедек, онкологиялық сырқат бойынша есепте тұр, 6 жасар баланы жалғыз тәрбиелеп отыр. Ол әкімнен оның тұрғын үй кезегі мәселесін шешіп беруді сұрап келіпті. Қала тұрғына сондай-ақ өз ісін ашуға қолдау көрсетуді сұрады.
Тұрғын үй инспекциясы бөлімінің мәліметінше, Әйгерім 2017 жылдан бастап «Толық емес отбасы» санаты бойынша кезекте тұр, кезек нөмірі — 2128. Оған тұрғын үй кезегі бойынша қажетті кеңестер берілді. Ал екінші өтініші бойынша, яғни кәсібін ашуға көмек көрсету үшін Семей қаласының жұмыспен қамту орталығына жіберілді.
Қабылдауға төрт бала тәрбиелеп отырған жалғыз басты әке Серік Сәбековтің әпкесі Бибігүл мен анасы келді. Олар да баспана мәселесімен келген. Тұрғын үй инспекциясы бөлімінің мәліметінше, Серік Сәбеков 2019 жылдан бастап «Көп балалы отбасы» санаты бойынша кезекте тұр, кезек нөмірі — 119. Осы мәселе бойынша қажетті түсініктемелер берілді.
Толқын Алпысбаева мен Татьяна Токарева өздері тұратын Краевая және Портовая көшелері жарықтандырылып, жолдары жөнделсе деген өтінішпен келіпті.
Тұрғындардың өтініштеріне жауап қайырған қала басшысы қазіргі таңда, «Біріккен энергосервистік компания» АҚ Буксирная және Краевая көшелеріне жарықтандыру орнату жұмыстарын аяқтап қалғанын айтты. Ал Портовая көшесін жарықтандыру 2023 жылға жоспарланған.
Жолаушылар көлігі және автомобиль жолдары бөлімінің ақпараты бойынша, 2021 жылы аталған көшелерде жолдың жүру бөлігін жоспарлау бойынша құм-қиыршық тас қоспасы мен қиыршық тас төселіп, жөндеу жұмыстары жүргізілген. Осы жұмыстар ағымдағы жылы да жалғасатын болады.
Көп балалы ана, «Алтын алқа» иегері Ирина Вольшмидт тұрғын үй алуға қатысты кеңес сұрады. Ирина Вольшмидт үстіміздегі жылдың 15 наурызында Семей қаласы әкімінің орынбасары Димитрий Гариковтың қатысуымен «AMANAT» партиясының филиалында тұрғын үй мәселесі бойынша өткен тақырыптық қабылдауда болған. Бастапқы жарна үшін оған 1 млн 700 мың теңге жетпейді. Ирина Вольшмидт тұрғын үй қатынастары туралы заңнамамен таныстырылды, оған сәйкес жеке тұлғаларға тұрғын үй сатып алуға бюджеттен қаражат бөлу көзделмеген.
Семей қалалық ішкі саясат бөлімі
БІЗДІ ӘЛЕУМЕТТІК ЖЕЛІЛЕРДЕН ОҚЫҢЫЗ!
