Елорда төрінде оқушылар арасында өткен ХалықаралықЖәутіков олимпиадасы (IZhO 2025) өз мәресіне жетті. 21 жыл қатарынан ұйымдастырылып келе жатқан көрнектіғалым-математик, академик Орымбек Жәутіковтің атындағы халықаралық олимпиадаға әлемнің 15 елінің 700-ге жуық оқушысы математика, физика және информатика пәндері бойынша жоғары дайындықтарын көрсетті. Қатысушы елдер қатарында Қазақстан, Қырғызстан, Өзбекстан, Түрікменстан, Тәжікстан, Ресей, Беларусь, Армения, Әзербайжан, Түркия, Грузия, Болгария, Румыния, Сербия және Моңғолия бар.
XXI Халықаралық Жәутіков олимпиадасында барлығы 318 медаль сарапқа салынды: 69 алтын, 100 күміс және 149 қола. Семейдегі Назарбаев Зияткерлік мектебі ел қоржынын 1 алтын, 2 қола медалмен толықтырды. Информатика пәні бойынша бірнеше мәрте халықаралық бәйгелердедараланып жүрген Әкежан Асқар алтын медаль иегері атанса, оның әлемдік деңгейдегі жеңісті марафонын жалғастырып келе жатқан ізбасары Арнұр Нұрғазин қола медаль еншіледі. Физика пәні бойынша республикалық, желілік жарыстар да үздік нәтиже көрсетіп жүрген Мирас Амирбеков қола медаль жеңіп алды.
Бес күнге жалғасқан олимпиада тапсырмалары күрделілігібойынша мамандандырылған сыныптар бағдарламасынасәйкес келіп, халықаралық қазылар алқасыменқұрастырылған.
