Облыс әкімі Даниал Ахметов жұмыс сапарымен Шемонайха ауданында болып, жұртшылықпен кездесті.
Даниал Ахметов аудандық мәдениет үйінде жиын өткізіп, өңір басшысының ауданның әлеуметтік-экономикалық дамуы туралы баяндамасын тыңдады. Аудан әкімі өткен жылы атқарылған істер мен биылғы жылы жүзеге асырылатын жобалар мен жоспарлар туралы баяндап берді.
Жиында сөз алған облыс әкімі елімізде тәуелсіздіктің 30 жылы ішінде атқарылған жұмыстар туралы қысқаша ақпарат беріп өтті. Тек біздің облыста ғана 147 жаңа мектеп, 278 балабақша салынған, 453 спорт нысаны және 8 млн шаршы метр тұрғын үй пайдалануға берілген.
Даниал Кенжетайұлы бұл жұмыстардың алдағы уақытта да жалғасын табатынын атап өтті. Аймақ басшысы сондай-ақ бүгінде өңіріміздегі шешімін күткен проблемалық мәселелерге де тоқталды және оларды халықпен бірлесе шешу керектігін атап өтті.
Бүгінгі таңда Шемонаиха ауданында агросектор ғана емес, өнеркәсіп саласы да қарқынды дамып келеді. Атап айтқанда, Артемьев кенішінің екінші кезегі салынуда. Өткен жылы Шемонаиха қаласының 9000 тұрғыны ауыз сумен қамтамасыз етілді. Тұрғын үй құрылысы қарқынды жүріп жатыр — бір 60 пәтерлі үй және «Бір қабатты Шығыс» бағдарламасы бойынша он екі пәтерлі үй салынуда. Пәтерлердің бір бөлігі көп балалы отбасыларға беріледі, дәрігерлер үшін де пәтерлер қарастырылған. Өкінішке орай, Шемонаиха ауруханасында кадр тапшылығы бар, сонымен қатар 1972 жылы салынған ғимарат күрделі жөндеуді қажет етеді.
— Мен аудан әкіміне қазіргі заманғы жабдықтардың қалыпты жұмыс істеуі үшін не істеу керектігін егжей-тегжейлі талдауды, сондай-ақ Семей медицина университетіне баруды, онда дәрігерлер мен медицина қызметкерлерінің ауысуы туралы келісуді тапсырдым. Шемонаихада 1936 жылы салынған ескі мектептің орнына тағы бір мектеп саламыз. Жаңа оқу орны заманауи үлгілік жоба бойынша 300 орындық болады, — деді Даниал Кенжетайұлы.
Аймақ басшысы облыстық және республикалық бюджеттен қаржыландырылатын жобалар туралы да айтып өтті. Мысалы, көше жарығын жаңғыртуға 142 млн теңге, жол төсемін жөндеуге 292 млн теңге қаражат бөлінетін болады. Жылдың екінші жартысында ауданның елді мекендерінде көп балалы отбасылар үшін тұрғын үй салуға қаражат бөлінеді. 2025 жылға қарай Уба арқылы өтетін жаңа көпірдің құрылысын бастау жоспарлануда.
Сондай-ақ жиын барысында Өскемен — Шемонаиха — РФ шекарасы жолын жөндеу мәселесі де талқыланды. Бұл — туризм мен бизнесті дамыту үшін маңызды жоба. Көпір мәселесі қарастырылып, ЖСҚ әзірлеу жұмыстары басталды.
Жалпы, аудан абаттандыру саласында жақсы нәтижелер көрсетуде: биыл 20 шақырым көше жолы жөнделеді, жеті шақырым жарықтандыру орнатылады, балалар және Workout алаңдары салынып, жетеуі ретке келтіріледі.
Кездесу соңында облыс басшысы тұрғындардың сұрақтарына жауап берді.
Әлібек КЕМЕЛХАН,
«Семей таңы»
БІЗДІ ӘЛЕУМЕТТІК ЖЕЛІЛЕРДЕН ОҚЫҢЫЗ!
