Ағымдағы жөндеу жүргізілетін Семей — Талица жолының жалпы ұзындығы 32 шақырымды құрайды. Ондаған жылдар бойы жөндеу көрмеген бұл жолға қалыңдығы 5 см және ені 6 метр болатын асфальт төселеді, жұмыстар мамыр айының соңына дейін аяқталады жоспарлануда.
— Жергілікті тұрғындар бұл жолды жөндеуді көптен бері сұрап келеді. Жол жағдайының нашарлығына бірнеше рет шағымданды. Бұл жол учаскесін жөндеу Семей қаласын дамытудың кешенді жоспарында да, «Аманат» партиясының сайлауалды бағдарламасында да қарастырылған. Тұрғындар үшін бұл жолдың маңызы өте зор. Бұл жерлерде көптеген туристік нысандар, шаруа қожалықтары бар, осы жолмен адамдар қалаға барып, ет сатады. Сондықтан бәрі де жұмыстың аяқталуын асыға және үлкен үмітпен күтуде, — деді Семей қаласының әкімі Бақытжан Байахметов.
Аталған жол учаскесінде ұзақ уақыт бойы жөндеу жұмыстары болмағандықтан, құрылысқа қатысты қиындықтар бар. Сонымен қатар су тасқыны кезеңінде еріген қар суы топыраққа терең еніп, асфальт негізін сапалы дайындауға мүмкіндік бермейтін терең шұңқырлар пайда болған, бұл жағдай жұмысты күрделендіре түсуде. Жұмысшылар ондай жерлерді терең қазып, үлкен тастармен толтырады. Содан кейін жолдың негізі толығымен құрғағанша және нығайтылғанша 10 күн күту керек болады.
Жұмыстың осы түрі аяқталғанға дейін жол учаскесінде ауыр жүк көліктерінің өтуі үшін шектеу белгілері қойылып, уақытша айналма жолдар салынған.
Сонымен қатар жол техникасының жұмысы тоқтап қалмайды. Құрылысшылар жолдарды фрейзерлеуді жалғастыруда: ескі асфальтты қабаты алынғаннан кейін, бұл материал шұңқырлар мен жол беттерін тегістеу үшін қайта пайдаланылады.
Ауа райы қолайлы болса, құрылысшылар келесі аптада асфальт төсей бастайды. Жөндеуге шамамен 15 мың тонна асфальт пайдаланылады.
Семей қаласы әкімінің баспасөз қызметі
БІЗДІ ӘЛЕУМЕТТІК ЖЕЛІЛЕРДЕН ОҚЫҢЫЗ!
